Aandhalyachya-Gayi : Marathi Audio book written by Meghana Pethe. Narrated by Vikram Gokhle, Girish Oak, Sanjay Mone, Mukta Barve, Vibhavari Deshpande, Shilpa Navalkar, Meghana Pethe.

श्रेयनामावली

• लेखिका : मेघना पेठे
• अभिवाचन : विक्रम गोखले, डॉ. गिरीश ओक, संजय मोने, मुक्ता बर्वे, विभावरी देशपांडे, शिल्पा नवलकर, स्वाती सुब्रमण्यम
• संकल्पना, निर्मीती: स्वाती सुब्रमण्यम
• वितरण : मानबिंदू म्युझिक

प्रस्तावना

मेघना पेठे हे मराठी साहित्य क्षेत्रातील एक मोठं नावं! त्यांनी आपल्या लेखनाची सुरूवात कवितांनी केली पण भावना व्यक्त करतांना मर्यादा येतात असे वाटल्याने त्या कथा व कादंबरी लेखनाकडे वळल्या. त्यांच्या मते माणूस हा सतत बदलत असतो, तसेच वेगळे काही तरी करत असतो आणि हेच वेगळेपण लिहिण्याचा त्यांचा प्रयत्न असतो. "हंस अकेला", "आंधळ्याच्या गायी" या कथासंग्रहासाठी आणि "नातिचरामि" या सुप्रसिद्ध कादंबरीसाठी त्या विशेष ओळखल्या जातात आणि यापैकी "ऑडीओपुस्तक" निर्मीत "आंधळ्याच्या गायी" हा त्यांच्या सुप्रसिद्ध कथासंग्रह मानबिंदू म्युझिकला  आज आपल्यासमोर आणताना आम्हाला विशेष आनंद होतोय. मेघना पेठेंच्या शब्दातच सांगायच झालं तर "आंधळ्याच्या गायी" बद्दल त्या लिहितात,

"घटना घडतात. पुरातल्या ओंडक्यासारखी माणसं त्यात वाहून जातात. घडायचं ते घडून जातं... पण तरीही पर्याय असतातच ठाकलेले... तडफडण्याचे... हसण्याचे... रडण्याचे... हरण्याचे... जिंकण्याचे... क्षमेचे... सूडाचे... स्वीकृतीचे... तुकण्याचे... साक्षित्वाचे... त्यातला एकच निवडता येणार असतो आणि निवडावा तर लागणारच असतो! पर्यवसान ठाऊक नसताना अंधारात घ्यावी लागणारी उडी... माणसाच्या आयुष्यात नियत आहे ते हे. यालाच आपण स्वातंत्र्य म्हणतो!
जाणिवेचा लख्ख उजेड नाही आणि नेणिवेचा गच्च अंधार नाही, अशा तिन्हीसांजेला, अंधुक प्रकाशातल्या जुलमी रानात सोडाव्या लागणा-या या आंधळ्याच्या गायी... त्यांना म्हणे देव राखतो...!  आणि आंधळा? तो तर फक्त या भोळ्या विश्वासाची बासरी वाजवत रहातो"