तुम्हाला हे पान आवडल्यास :

निवडुंग, महानंदा या सारखे गाजलेले चित्रपट आणि महाश्वेता सारख्या अतिशय लोकप्रिय मालिकेचे दिग्दर्शन केल्यानंतर दिग्दर्शक महेश सातोस्कर, अरूणा जोगळेकर आणि संगीत दिग्दर्शक भावगंधर्व पं. ह्रदयनाथ मंगेशकर ही अतिशय यशस्वी त्रयी  कस या चित्रपटासाठी पुन्हा एकत्र आली आहे आणि खरं म्हणजे यातच सारं काही आलय! त्यातच आशाताई, राधा मंगेशकर आणि स्वप्नील बांदोडकर यांनी गायलेल्या नवीन गाण्यांची उत्सुकताही आहेच! भार्गवी चिरमुले आणि राधा मंगेशकर यांचा तर हा पहिलाच चित्रपट; त्यामुळे त्यांच्याकडूनही खूप अपेक्षा आहेत!  या व्यतिरीक्त निलम शिर्के, प्रसाद ओक, राजेश शृंगारपुरे,भार्गवी चिरमुले आणि आनंद अभ्यंकर यासारखे 'कस'लेल्या अभिनेत्यांनी या चित्रपटात केलेली अप्रतिम कामं, इतके दिग्गज  एकत्र  आल्यामुळे चित्रपटाचं संगीत, विषयाचा दर्जा आणि त्याची हाताळणी या सगळ्याच बाबतीत चित्रपट 'कस'दार असणार आहे यात शंकाच नाही आणि म्हणूनच सिनेप्रेमींसाठी हा चित्रपट म्हणजे पहाणं सगळ्या अर्थाने एक 'ट्रीट' ठरेल हे नक्की!