विशेषत: 'तुझी आठवण येता, निळा डोह फेसाळतो. पापण्यांच्या तिरावर, भरतीचा पूर येतो' हे प्राजक्ताचे शब्द, अभिजीत राणेंनी दिलेलें हृद्य संगीत, व्हायोलिनचे आर्त स्वर आणि अमृता काळे हिचा ओथंबलेला आवाज यांनी तयार झालेलं विरह गीत जिव्हारी लागणारं झालय आणि ते या अल्बमचं खास वैशिष्ट्य म्हणायला हरकत नाही! ( हे गाणं प्लेलिस्ट मध्ये खाली दिलं असून ते आवर्जून ऐका!) .याव्यतिरीक्त झी सारेगमप महागायिका संगीता चितळे यांनी गायलेलं पंख लागले हे गाणं, मधुरा दातारने गायलेलं धुंदीत प्रिया आणि मनात माझ्या ही गाणी, पौलमी पेठेचा सहभाग असलेला पाऊस ओला हे गाणं आणि खास वैशाली सामंत स्टाईलची रातीला या आणि रात मधुमती ही सगळीच  गाणी अप्रतिम झाली आहेत!

 [ Go to top ]