• कवी
  डॉ. वसंत कृष्ण व-हाडपांडे
• गायन :
  श्रेया घोषाल, सुरेश वाडकर, सुचित्रा भागवत आणि अभिजीत राणे
• संगीत :
  अभिजीत राणे
• वादन
  पं उल्हास बापट, पं उमाशंकर शुक्ला, विजय तांबे, महेश खानोलकर, राजू साळवी, मनिष कुलकर्णी,अनिल करंजवकर,
• संगीत संयोजन :
  प्रशांत लळीत
• निवेदन :
  डॉ. गिरीश ऒक

'मस्त शारदीय रात', नावाप्रमाणेच मस्त गीतांचा हा नजराणा! उत्कृष्ट मराठी साहित्याचा राज्य पुरस्कार आणि आपल्या तरुणपणी खुद्द पं. जवाहरलाल नेहरूंच्याहस्ते पुरस्कार स्विकारणा-या जेष्ठ कवी कै. डॉ. वसंत कृष्ण व-हाडपांडे  यांची काही गीते या अल्बमद्वारे लोकांपर्यंत पोहोचावी हा या अल्बममागचा मूळ हेतू!
'स्मृतीगंध' तर्फ़े प्रकाशित झालेल्या या अल्बममधली सगळीच गाणी सहज गुणगुणावीत अशीच आहेत. सुरेश वाडकरांची शास्त्रीय बाजाची आणि वेगवेगळ्या मूड्सची गाणी अप्रतिम आहेत.श्रेया घोषाल  या सध्याच्या लोकप्रिय पार्श्वगायिकेचा मधाळ आणि प्रसन्न स्वर हे या अल्बमचे आणखी एक वैशिष्ट्य! संगीतकार अभिजीत राणे यांनी संगीतबद्ध केलेली 'मेंदी भरल्या पाउली' आणि 'मनात माझ्या वन पाचूचे' ही दोन अतिशय मेलोडीयस गाणी श्रेयाने गायली आहेत! या व्यतिरीक्त सुचित्रा भागवत आणि अभिजीत राणे यांच्या स्वरातील भावपूर्ण गीते आणि डॉ. गिरीश ओक ह्यांच्या निवेदनाने श्रवणीय झालेला हा अल्बम प्रत्येकाच्या संग्रही हवाच असा आहे!