Swagruha Marathi Movies : Navin yenarya marathi chitrpatanbaddal sagala kahi.. Marathi Artists : Kalechya jagatil ugavate tare Marathi Natak, sangeet vishyak karykram Marathi Sangeet : Ek safar Sangeet vishwachi.. Earn from Marathi Blogs,website,facebook Sampadkiya Marathi typing chi sarvat soppi paddhat.. Tumache Maanbindubaddal che Abhipray.. Aamchyashi Samparka sadha..
 
 
 
तुमचं नाव इथे?
 
 
 
 
 
 

 

Advertisement

 
 
 
 
 
 
Singer,Composer Abhijeet Rane|Listen to Abhijeet Rane songs|Watch Abhijeet Rane's Videos
  Abhijeet

अभिजीत राणे [ गायक आणि संगीतकार ]
[ Abhijeet Rane : http://abhijeet.maanbindu.com ]
मुळचा मुंबईचा असलेला अभिजीत खरतर जे.जे. स्कूल ऑफ़ आर्ट्स मधून बॅचलर ऑफ़ फाईन आर्टस झालेला, पण संगीताची आवड आणि अभ्यास लहानपणीपासूनचाच! अभिजीतचं संगीताचं शिक्षण सुप्रसिध्द संवादिनी वादक अनिल केरकर, पं. शिवानंद पाटील, नारायण गावकर, श्रीनिवास खळे, पं. यशवंत देव अशा दिग्गजांकडून झालय.

गायक म्हणून आपल्या कारकिर्दीची सुरूवात करणा-या अभिजीतने अनेक मैलाचे दगड ( Milestones )  खूप लवकरच सर केले. 'मेरी आवाज सुनो' या स्टार प्लस या वाहीनीवरील कार्यक्रमात अभिजीत विजेता ठरला. २००१ साली झालेल्या सारेगम (हिंदी) मध्येही त्याने विजेतेपद पटकावले. 'साउंड्स डिव्हाईन' या कंपनीतर्फ़े पंजाबी भक्ती संगीताचा मेरे मित्र गोसाईयां' हा अल्बम त्यावेळी पूर्णत: त्याच्या आवाजात प्रसिद्ध झाला. 'चंद्रभागेच्या तीरी' या संगीत नाट्कात त्याने रंगमंचावर संत तुकारामांची भूमिका केली. यातली गाणी आणि भूमिका रसिकांच्या खूप पसंतीस उतरली. हे नाटक दूरदर्शनवरही त्यावेळी प्रक्षेपित झाले होते.

गायक म्हणून अशी यशस्वी वाटचाल सुरू असताना दुस-या बाजूस अभिजीतमधला संगीतकार अनाहूतपणे आकार घ्यायला लागला होता. एके दिवशी मंगेश पाडगावकरांनी लिहिलेल्या 'राधा' या काव्यसंग्रहातील काही कवितांना त्याने सहज चाली लावल्या आणि त्या पाडगावकरांना ऐकवल्या. पाडगावकरांना त्या चाली खूप आवडल्या आणि त्यातूनच संगीतकार अभिजीतचा 'सोनसांजरी धून' हा पहिला अल्बम २००४ साली प्रकाशीत झाला. त्यानंतर २००६ साली मस्त शारदीय रात Open in new window  (गायक सुरेश वाडकर, सुचित्रा भागवत आणि श्रेया घोषाल) हा अल्बम आणि २००७ साली शांता शेळके, ना. धो, महानोर यांच्या कवितांवर आधारीत 'झुला' हा अल्बम (गायक संगीता चितळे, सुचित्रा भागवत, वृषाली पाटील,  अभिजीत राणे आणि स्वप्नील बांदोडकर) प्रकाशित झाला.

२००८ हे साल अभिजीतसाठी विशेष ठरले. या साली अभिजीतचे तीन अल्बम प्रसिद्ध झाले. त्यात स्वप्नील बांदोडकर, वैशाली सामंत आणि देवकी पंडीत यांच्या स्वरांनी सजलेला सारे तुझ्यात आहे Open in new window  साधना सरगम, वैशाली सामंत आणि स्वप्नील बांदोडकरने गायलेला कृष्णबावरी राधा Open in new window  हा अल्बम आणि अगदी अलिकडेच प्रसिद्ध झालेला झी सारेगमपच्या विजेत्या संगीता चितळे यांच्या तुझा चेहरा Open in new window  या अल्बम्सचा समावेश आहे!

नुकताच अभिजीतचा गंध हलके हलके हा अल्बम रिलीज झालाय!

अनेक मोठ्या नामवंत गायकांनी अभिजीतच्या चालींना आपल्या स्वरांची साथ दिली आहे. त्यात श्रेया घोषाल Open in new window, देवकी पंडीत, सुरेश वाडकर, साधना सरगम, वैशाली सामंत, बेला शेंडे, मधुरा दातार आणि स्वप्नील बांदोडकर Open in new window यांचा प्रामुख्याने उल्लेख करावासा वाटतो.
अभिजीतशी सहजच गप्पा मारताना विचारलं, "तुझे वडील फ़ायर ब्रिगेड मध्ये काम करणारे आणि आई गृहीणी; असं असताना तू संगीताकडे कसा वळलास ?" त्यावर अभिजीत खळखळून हसून म्हणतो, " ती एक गम्मतच आहे! माझ्या लहानपणी बाबांची घाटकोपरला बदली झाली. आमच्या अगदी घरासमोरच नवीन शाळा होती पण तिथे काही केल्या मला प्रवेश मिळाला नाही. म्हणून मला नाईलाजाने घरापासून दूर असलेल्या चेंबुरमधल्या 'आमची शाळा' या शाळेत प्रवेश घ्यावा लागला.ही शाळा इतर शाळांपेक्षा थोडी वेगळी होती; कलेला प्रोत्साहन देणारी होती. एके दिवशी, मी साधारण सातवीत असताना शाळेत आंतरशालेय गायन स्पर्धेची नोटीस फ़िरली. मी नेहमीप्रमाणे त्याकडे दुर्लक्ष केलं. पण मला माहितही नसताना माझ्या मित्रांनी 'मी बरा गातो' म्हणून माझ्या नकळत माझं नाव या स्पर्धेसाठी दिलं आणि अचानक स्पर्धेच्या दिवशी मला बोलवणं आलं! मला त्यावेळी काहीच कळेना की माझं नाव कुणी दिलं आणि ऐन वेळी काय गायचं? कारण मी इतरांसमोरकधीच गायलो नाही, चारचौघांसारखा 'बाथरुम सिंगर' होतो. पण तशाच अवस्थेत थोडं घाबरत आणि थोडं 'काय होईल ते बघू' अशा द्विधा मनस्थितीत गाणी गायली. आश्चर्य म्हणजे मला मराठी, हिंदी, गुजराती आणि संस्कृत अशा स्पर्धेच्या चारही विभागात/भाषेत पहिली बक्षीसं मिळाली! ....त्यावेळी मला आणि आई बाबांना जाणवलं की 'अरे, इथे कुठेतरी पाणी मुरतय!' आणि मग माझं गाण्याच असं खास शिक्षण सुरू झालं. त्यानंतर जो प्रवास चालू झाला तो आजतागायत असा चालूच आहे.. "
 
 Share
पं. यशवंत देव, अशोक पत्की यांनी 'अभिजीत राणे मेलोडीयस संगीतकार आहे' अशा शब्दात अभिजीतची प्रशंसा केली तर देवकी पंडीत यांनीही 'अभिजीत राणे' हा चांगल्या चालीचा संगीतकार आहे' असं त्याच कौतुक केलं आहे! चला ऐकूया अभिजीतने स्वरबद्ध केलेल्या चाली आणि त्याने गायलेली काही निवडक आणि अतिशय अप्रतिम गाणी!

Video

Audio
Abhijeet

गीत: सारे तुझ्यात आहे
[ अल्बम: सारे तुझ्यात आहेOpen in new window ]
  • नभं कसं दूर दूर : बेला शेंडे ( अल्बम : गंध हलके हलके Open in new window)
  • रातीला या : वैशाली सामंत ( अल्बम : गंध हलके हलके Open in new window)
  • तुझा हळवा पाऊस : देवकी पंडीत (अल्बम: सारे तुझ्यात आहे  Open in new window )
  • त्या दूर डोंगरामागे : अभिजीत राणे (अल्बम: मस्त शारदीय रात Open in new window)
  • रानात गार हिरव्या : वृषाली पाटील (अल्बम: ऋण शब्दांचे)
  • लागला श्रीहरीचा नाद : संगीता चितळॆ (अल्बम: ऋण शब्दांचे)
  • हिरवी हाक ऐकू येते : मृदूला दाढे-जोशी (अल्बम: सोनसांजरी धून)
  • सखे गं मंदीरी आले श्याम: साधना सरगम (अल्बम: कृष्ण बावरी राधा Open in new window)
  • ही मावळतीची छाया: सुरेश वाडकर (अल्बम: मस्त शारदीय रात Open in new window)
  • ओठात लाजलेले: सुचित्रा भागवत आणि अभिजीत राणे (अल्बम: झुला)
  • हळुवार प्रितीचे फुलणे: वैशाली सामंत (अल्बम: सारे तुझ्यात आहे Open in new window)
Abhijeet

गीत: ऒला वारा
[ अल्बम: सारे तुझ्यात आहे ]

 
 
संगीत चित्रपट आम्ही शिल्पकार उद्याचे अन्य संपर्कात रहा
 
     
DID YOU KNOW?  
 
No Content can be re-produced on any other website without prior permission |  Protected by Copyscape Online Copyright Checker